மெய்வருத்தம் பாராத கலகக்காரர்
கட்டுரை
படங்கள்: தி.அ.ஸ்ரீ
சுவாமி ஆனந்ததீர்த்தரின்(1905-1987) பெயரை நான் முதல்முதலாகக் கேள்விப்பட்டது, ஸ்டாலின் ராஜாங்கம் சில ஆண்டுகளுக்கு முன்பு காலச்சுவடில் எழுதிய கட்டுரையைப் படித்தபோதுதான். அவரைக் குறித்த அறிமுகத்தோடு, தமிழ்நாட்டில் மேலூர் பகுதிகளில் தீண்டாமைக்கு எதிரான அவரது செயல்பாடுகளையும் அதில் தந்திருந்தார்.
ஸ்டாலின் ராஜாங்கத்தின் கட்டுரைக்குப் பிறகு ஆனந்ததீர்த்தரின் பெயரும் அவரது ஆளுமையும் மனத்தில் குடிகொண்டபோதும், அவரைப் பற்றி விரிவாக அறிந்துகொள்ளச் சந்தர்ப்பம் வாய்க்கவில்லை. சமீபத்தில் நல்லூழாக நிர்மால்யா மொழிபெயர்த்த ‘ஆனந்ததீர்த்தர்: தலித் உரிமையின் தனிக்குரல்’ புத்தகம் எனக்கு வாசிக்கக் கிடைத்தது. ஏ.எம். ஆபிரகாம் அய்ரூக்குழியில் ஆங்கிலத்தில் எழுதிய ‘Swami Anand Thirth - Untouchability: Gandhia
