ரிச்சர்ட், சாரா பழங்குடி இனத்தைச் சேர்ந்த இந்தச் சிறுவியாபாரி கலவரத்தில் முக்கியப் பங்கு வகித்தவன்.

ரிச்சர்ட்: ஒரு ட்ரக்குக் கீழே தூங்கிக்கொண்டிருந்த பன்றிகளில் ஒன்றை நாங்கள் நான்கைந்து பேர் சேர்ந்து கொன்றோம். பன்றியின் உடலை மசூதியின் உச்சியில் தொங்கவிட்டோம். சஃரான் கொடி ஒன்றையும் பறக்கவிட்டோம். அதை எங்களால் தகர்க்க முடியவில்லை. தாக்கர் நகர் குறுக்குச் சாலையிலிருந்து ஒரு சகோதரர் முஸ்லிம்களைக் கொன்றுவிட்டு டாங்கரைக் கொண்டுவந்தார். டாங்கரைப் பின்னோக்கிச்செலுத்தி மசூதியில் மோதினோம். பெட்ரோலைப் பீய்ச்சியடித்துத் தீ வைத்தோம். உள்ளே இருந்தவர்கள் எல்லோரும் ஒழிந்தார்கள்.

தெஹல்கா: சாராக்கள் பாலியல் வன் முறையிலும் ஈடுபட்டதாகச் சொல்கிறார்கள்.

ரிச்சர்ட்: ஆயிரக்கணக்கானவர்கள் பசியுடன் உள்ளே நுழைகிறார்கள். அவர்கள் சில பழங்களை அல்லது வேறு எதையாவது சாப்பிடத்தான் செய்வார்கள். எப்படியிருந்தாலும் அந்தப் பழங்கள் கசக்கித் தூக்கி எறியப்படத்தான் போகின்றன. நம் ஆண்கள் அவற்றில் சில பழங்களையாவது சாப்பிட்டிருப்பார்கள்.

தெஹல்கா: இரண்டு பாலியல் பலாத்காரச் சம்பவங்கள் நடந்திருப்பதாகத் தெரிகிறது.

ரிச்சர்ட்: இன்னும் அதிகமாக இருக்கக் கூடும். எங்கள் சாரா சகோதரர்களைத் தவிர. நம் இந்துச் சகோதரர்கள், வி.எச்.பி.க்காரர்கள், ஆர்.எஸ். எஸ்காரர்கள் எல்லோருமே அதில் ஈடுபட்டிருப்பார்கள். உங்கள் முன்னால் பழங்கள் இருக்கிறபோது சாப்பிடமாட்டீர்களா என்ன? என் மனைவியைப் பக்கத்தில் உட்கார வைத்துக்கொண்டு சொல்கிறேன். நானும் சாப்பிட்டேன். ஒரே ஒருமுறை மட்டும். பிறகு நான் அவளைக் கொன்றேன். ஊறுகாயைப் போலத் துண்டு துண்டாக வெட்டினேன்.

n

திலீப் திரிவேதி

இவர் விஎச்பியின் பொதுச் செயலாளர். மூத்த வழக்கறிஞரான இவரது கூற்றுப்படி, இவர்தான் கலவரம் சம்பந்தமான அனைத்து வழக்குகளையும் ஒருங்கிணைத்து நடத்தியவர். மாநிலத்தின் அனைத்து இடங்களிலும் இதற்கான ஒத்துழைப்பை மற்ற வழக்கறிஞர்களிடமிருந்து பெற்றதாகக் கூறுகிறார்.

ஜூன், 15, 2007

திரிவேதி: குஜராத்தில் உள்ள அனைத்து வழக்குகளையும் நான்தான் ஒன்றிணைத்தேன். விஸ்வஹிந்து பரிஷத்தின் பொதுச்செயலாளர் என்னும் முறையில் அனைத்து நீதிமன்றங்களிலும் இது பற்றிய அனைத்து விஷயங்களையும் நான்தான் ஒருங்கிணைத்தேன். இதனால் எல்லா வழக்கறிஞர்களும் தங்களது சேவையை அளித்தனர். அதனாலேயே இவர்கள் அனைவரும் எனக்கு நெருக்கமானவர்களாக ஆனார்கள்.

தெஹல்கா: அதனால்தான் அரவிந்த் பாய் பாண்டியா (நானாவதி ஷா கமிஷனில், அரசுத் தரப்பு வழக்கறிஞர்) உங்களது பெயரைத் திரும்பத் திரும்பக் கூறிக்கொண்டிருந்தாரா?

திரிவேதி: கடவுளின் கருணையால் அரவிந்த்பாய் பாண்டியா வழக்கறிஞர்கள் என்மீது நம்பிக்கையும் மதிப்பும் வைத்திருந்தனர். இந்த விஷயத்தில் நான் சொன்னபடியே அவர்கள் செயலாற்றினார்கள்; எல்லாம் கடவுளின் கருணைதான்.

பப்ளிக் பிராசிக்யூட்டர், பிரதிவாதிகளின் வழக்கறிஞர்கள் எல்லோரும் நான்தான் பேச்சுவார்த்தை, ஏதோ ஒரு வகையில் சமாதானம் போன்ற அனைத்தையும் நானேதான் செய்ய வேண்டியிருக்கிறது.

தெஹல்கா: எவ்வளவு மாவட்டங்களை நீங்கள் பார்த்துக்கொள்கிறீர்கள்?

திரிவேதி: குஜராத் முழுவதுந்தான். சம்பந்தப்பட்டவர்களை நான் தொலை பேசி மூலம் அழைப்பேன். இப்போது நான் குறிப்பிட்ட மாற்று வழக்கறிஞர் ஏற்பாட்டின் பேரில், அதன்பின், வேண்டியவர்கள் அவர்களைச் சென்று சந்திப்பார்கள்.

தெஹல்கா: ஆக, பிரதிவாதிக்கு வழக்கறிஞர் ஏற்பாடாகிவிடும் இல்லையா?

திரிவேதி: ஆமாம், எல்லாமே சரியாக நடக்கும். யாருக்காவது, ஏதாவது பிரச்சினை ஏற்பட்டால், என்னைத் தொலைபேசி மூலம் தொடர்புகொள்வார்கள். அதைத் தீர்ப்பதற்குச் சரியான நபர் யார் என்பதை யோசித்து முடிவுசெய்து, சம்பந்தப்பட்டவர்களுக்குச் சொல்லுவேன். டிஐஜி மற்றும் அவருக்குக் கீழ் பணிபுரியும் ஏஐஜி, ஏஜிபி. ஆகியோரைச் சந்திப்பது, பேசுவது போன்ற அனைத்தையும் நான்தான் செய்கிறேன்.

நானாவதி கமிஷனில், கே.ஜி. ஷாவிடமிருந்து பல விதங்களில் ஆதரவு எங்களுக்கு இருக்கிறது. இதில் இன்னொரு விஷயம் என்னவென்றால், இந்துக்களைப் பாதுகாப்பதற்குச் செய்யப்பட்டிருக்கும் ஏற்பாடுகள். இதற்காகப் பிஜேபி தனி ஏற்பாடுகளைச் செய்திருக்கிறது. சங் தனியான ஏற்பாடுகளையும் பரிஷத் அதே போல... இம் மாதிரியான பிரிவுகள் பிரயோசனப்படாது...

தெஹல்கா: மெஹசாருவில் எவ்வளவு வழக்குகள் பதிவுசெய்யப்பட்டன?

திரிவேதி: மொத்தம் 182 புகார்கள் பதிவுசெய்யப்பட்டன. இதில் 78 வழக்குகளில் குற்றப்பத்திரிகைகள் தாக்கல் செய்யப்பட்டன. இன்னும் இரண்டு வழக்குகள், பின்னர் தாக்கல் செய்யப்பட்டன. இந்த 80 வழக்குகளில், மூன்று அல்லது நான்கு வழக்குகள்தான் முடிவு பெறாமல் இன்றும் நடந்துவருகின்றன. மற்றுமுள்ள 76 வழக்குகள் நடந்து முடிந்துவிட்டன.

தெஹல்கா: அனைத்தும் இந்துக்களுக்குச் சாதகமாக முடிந்தனவா?

திரிவேதி: இரண்டே இரண்டு வழக்குகளில்தான், குற்றம் சாட்டப்பட்டவர்களுக்குத் தண்டனை கிடைத்தது. மீதமுள்ள 74 வழக்குகளிலும் குற்றம் சாட்டப்பட்டவர்கள் விடுதலை செய்யப்பட்டுவிட்டனர். இதில் ஒரு வழக்கில் நாங்கள் மேல் முறையீடு செய்தோம். அதில் அந்த நபர் விடுதலையானார். இரண்டாவது வழக்கில், உயர் நீதிமன்றத்தில் மேல் முறையீட்டு மனுத்தாக்கல் செய்தோம். அதை உயர் நீதிமன்றம் அனுமதித்துள்ளது. குற்றம் சாட்டப்பட்டவருக்கு ஜாமீன் கிடைத்துள்ளது. அவர் குற்றவாளி என்ற முடிவே தவறானது. சில மாவட்டங்களில், குற்றம் சாட்டப்பட்டவர்கள் சிலர் இன்றும் சிறையில்தான் இருக்கிறார்கள். கிட்டத்தட்ட 3000 இந்துக்கள் கைது செய்யப்பட்டனர். இவர்களில் 100 - 150 பேர்களுக்கு இன்னும் ஜாமீன் கிடைக்கவில்லை.

ஹரீஷ்பத், கோத்ராவின் பிஜேபி எம்.எல்.ஏ. கலவரத்துக்கான ஆயுதங்களைத் தன் தொழிற்சாலையில் தயாரித்து விநியோகித்தவர் இவர்தான்.

தெஹல்கா: 2002இல் கோத்ரா சம்பவம் நடந்தபோது இந்துக்களுக்கு ஆயுதம் எப்படி வந்தது?

ஹரீஷ்பத்: என்னிடம் சொந்தமாக ஒரு வெடிமருந்துத் தொழிற்சாலை உள்ளது. பட்டாசு தயாரிப்பேன். வெடி குண்டு தயாரிப்பேன். வெடிகுண்டுகள் எல்லாம் அங்கேதான் தயாரிக்கப்பட்டன. டீஸல் வெடிகுண்டு, குழாய் வெடிகுண்டு எல்லாம் அங்கே தயாரித்தோம். அங்கிருந்தே விநியோகமும் நடைபெற்றது. பஞ்சாபிலிருந்து இரண்டு லாரி நிறைய வாள்களை நேராக இங்கே கொண்டுவந்தோம். தரியா (ஞிலீணீக்ஷீவீஹ்ணீ) என்னும் குக்கிராமத்தில் பதுக்கினோம். எல்லாம் அங்கே தயாராக இருந்தது. அங்கிருந்து பின்னர் விநியோகிக்கப்பட்டன. அப்போது தேவையாக இருந்தது இந்தச் சாதனங்கள் மட்டுமே.

தெஹல்கா: ஆயுதங்களை எங்கிருந்து வரவழைத்தீர்கள்?

பத்: நாட்டுத் துப்பாக்கிகளை மத்திய பிரதேசம், உத்தரப் பிரதேசம் ஆகிய இடங்களிலிருந்து பெற்றோம். எல்லா இடத்திலிருந்தும் வாங்கினோம். பிறகு இங்கிருந்து நான் விநியோகம் செய்தேன்.

விதவிதமான ஆயுதக் குவியல்களைப் பார்த்து அவர்கள் திகைத்து உறைந்துபோய்விட்டார்கள். நாங்கள் தொழிற்சாலையில் தயாரித்து, பின்னர் சோதனை செய்வோம். ஒரு குழாய் (றிவீஜீமீ றீணீuஸீநீலீமீக்ஷீ) ஏவுகணையை இங்கேதான் தயாரித்தோம். ஒரு பக்கம் லாஞ்சர் இருக்கும். மறுபக்கம் குழாய் இருக்கும். நான்கு குழாய்கள் கொண்டது அது. குழாய் வாயை மூடியபின் வெடிமருந்துகளை நிரப்பினோம். பிறகு ஆணி அடித்து மூடினோம். அதனுள் 595 ரக வெடிகுண்டு வெடிக்கத் தயாராக இருந்தது. இயக்குவதற்கு வேறு தடையில்லை. ஒன்பது இஞ்ச் கனமுள்ள சுவரைத் துளைத்துவிட்டுச் செல்லும் அளவுக்கு அதில் சக்தி இருந்தது.

'வேறு எந்த முதல்வரும் செய்யாததை அவர் செய்தார்'

தெஹல்கா: இனப்படுகொலை நடைபெற்ற அன்று நரேந்திரபாய் பாட்டியாவிற்கு வந்தாரா?

பஜ்ரங்கி: நரேந்திரபாய் பாட்டியாவிற்கு வந்தார். சம்பவ இடத்திற்கு வரமுடியவில்லை. அவருடன் கமான்டோ வோ - பமோன்டாவோ, காவலர்கள் இருந்தனர். ஆனால் அவர் பாட்டியாவிற்கு வந்தார். எங்கள் உற்சாகத்தைக் கண்டார். பின்னர், திரும்பிச் சென்றுவிட்டார். அவர் ஒரு நல்ல இதமான சூழலைத் தமது வருகையால் ஏற்படுத்திவிட்டார்.

பஜ்ரங்கி: கமிஷனர், வீட்டை விட்டு ஓடிவிட வேண்டும் எனக் கூறினார். நான் ஓடிவிட்டேன். நரேந்திரபாய் மவுண்ட் அபுவிலுள்ள குஜராத்பவனில் என்னை 41/2 மாதங்கள் வைத்திருந்தார். அதன் பிறகு அவர் என்ன கூறினாலும் நான் அப்படியே செய்தேன் . . . அவரைப் போல எவரும் குஜராத்தில் செய்ய முடியாது. நரேந்திரபாயின் உதவி இல்லாமலிருந்தால் பழிக்குப் பழிவாங்க முடியாமல் போயிருக்கும். அவர் மிகவும் மகிழ்ச்சியடைந்தார். மக்களுக்கும் மகிழ்ச்சிதான். நாங்களும் மகிழ்ச்சியில் திளைத்தோம். நான் சிறைக்குப் போனேன். திரும்பினேன். எனது பழைய வாழ்க்கையை மீண்டும் தொடங்கினேன்.

பஜ்ரங்கி: நரேந்திரபாய் சிறையிலிருந்து என்னை வெளியே கொண்டுவந்தார். நீதிபதிகளை அடிக்கடி மாற்றினார். என்னை விடுவிப்பதென்ற ஒரே முடிவிலிருந்தார். அவரில்லை எனில் நான் இன்றும் வெளியே வந்திருக்க முடியாது. முதலில் இருந்த நீதிபதி பாபு பஜ்ரங்கி தூக்கிலிடப்பட வேண்டும் என்றார். அந்தக் கோப்பு தூக்கி எறியப்பட்டது. அடுத்து வந்தவரும் தூக்கிலிட வேண்டும் என்பதுடன் நிறுத்திக்கொண்டார். அடுத்து மூன்றாவது ஒருவர் வந்தார். இதற்குள் 41/2 மாதம் சிறையிலிருந்துவிட்டேன். அடுத்து ஒரு நீதிபதியை நியமித்தார். அவர் "ஜாமீன் வழங்கப்படுகிறது" என்று மட்டும் கூறினார். நாங்கள் அனைவரும் வெளியே வந்துவிட்டோம்.

அரவிந்த் பாண்டயா, குஜராத்தின் அட்வகேட் ஜெனரல். நானாவதி கமிஷனிலிருந்து குற்றவாளிகள் தப்பிப்பதற்குச் சட்டரீதியாக உதவியவர்.

அரவிந்த் பாண்டயா: மோடி மந்திரியாக இல்லாதிருந்தால் அவரும் வெடிகுண்டை வீசி எறிந்திருப்பார். குஜராத் முதல்வர் இந்து சமூகத்தின் இரட்சகர் என்று நானாவதிஷா கமிஷனில் அரசு வழக்கறிஞர் கூறினார். இம்முறை அவர்கள் செமத்தியாக அடி வாங்கினார்கள். இப்போது இந்துக்கள் ஆட்சி. குஜராத் முழுவதும் இந்து ஆட்சிதான். விஸ்வ ஹிந்து பரிஷத் ஆட்சியுங்கூட.

பழிவாங்குங்கள் என்று அவர் சொன்னதும் நான் தயாராகிவிட்டேன். அவர் மட்டும் அமைச்சராக இல்லா விட்டால் அவரே வெடிகுண்டுகளை வீசியிருப்பார். அவரிடம் சக்தி இருந்திருந்தால் (முஸ்லீம் மக்கள் அதிகம் வசிக்கும் அகமதாபாத் பகுதியான) ஜுகபுராவில் வெடிகுண்டுகளை வெடிக்கச்செய்திருப்பார்.

n

ஹரீஷ்பத்: அவர் எங்களுக்கு மூன்று நாள்கள் தந்தார் . . . என்ன முடியுமோ அதை நாங்கள் செய்துகொள்ளலாம். அதற்குப்பின் அனுமதியில்லை. தரமுடியாது என்று கூறினார். இதனை அவர் வெளிப்படையாகவே தெரிவித்தார். மூன்று நாள்கள் முடிந்ததும், நிறுத்திவிடுங்கள் என்று எங்களிடம் கேட்டுக்கொண்டார். அதோடு அனைத்தும் நின்றுவிட்டன.

தெஹல்கா: அது மூன்று நாள்களில் நின்றுவிட்டது. ராணுவங்கூட வரவழைக்கப்பட்டதே.

பத்: முழு ராணுவமே வந்தது . . . எங்களுக்கு மூன்று நாள்கள் கிடைத்தன . . . என்ன செய்ய வேண்டுமோ அவற்றையெல்லாம் இந்த நாள்களில் செய்துமுடித்து விட்டோம்.

தெஹல்கா: அவர் அப்படியே சொன்னாரா?

பத்: ஆம். அதனால்தான் நான் சொல்கிறேன். அவர் செய்ததுபோல இன்னொரு முதல்வரால் செய்யவே முடியாதென்று . . .

n

இராஜேந்திர வியாஸ், விஎச்பியின் அகமதாபாத் நகரத் தலைவர், சபர்மதி எக்ஸ்பிரஸில் சென்ற கரசேவகர்களுக்குப் பொறுப்பாளி: 'நாம் பழிவாங்க வேண்டும்' என்று முதலில் கூறினார். இதனை நான் மக்கள் மத்தியில் வெளிப்படையாகவே கூறினேன். ஒரு துளித் தண்ணீர்கூடக் குடிக்கவில்லை. ஏராளமான மக்கள் படுகொலை செய்யப்பட்ட செய்தி என்னை மிகவும் ஆத்திரப்படுத்தியிருந்தது. எப்போது எனக்கு மீண்டும் பலம் வந்ததோ அப்போதே தரக்குறைவான வார்த்தைகள் என்னிடமிருந்து வெளிவந்தன. "இராஜேந்தரா பாய், நிதானமாயிருங்கள். எல்லாம் நன்கு கவனிக்கப்படும்" என்று அவர் (மோடி) கூறினார். எல்லாம் நன்கு கவனிக்கப்படும் என்று அவர் எந்த அர்த்தத்தில் சொன்னார்? யாருக்கெல்லாம் புரிய வேண்டுமோ அவர்கள் புரிந்துகொண்டனர்.

n

சுரேஷ் ரிச்சர்ட்: (இனப்படுகொலை) நடந்த அன்று மாலை முடியும்வரை என்னவெல்லாம் செய்ய முடியுமோ அத்தனையும் கச்சிதமாகச் செய்து முடித்தோம். 7:15 அல்லது 7:30 மணி இருக்கும்போது மோடி பாய் வந்தார். நேராக இங்கேதான். . . இந்த வீட்டிற்கு வெளியே. என் சகோதரிகள் ரோஜா மாலை அணிவித்தார்கள்.

தெஹல்கா: நரேந்திர மோடி . . .

ரிச்சர்ட்: நரேந்திர மோடி . . . கறுப்புப் பூனை கமோண்டோ க்களுடன் அவர் வந்தார். அம்பாசிடர் காரிலிருந்து இறங்கி இங்கே நடந்துவந்தார். என் சகோதரிகள் அனைவரும் மாலையணிவித்தார்கள். என்ன இருந்தாலும் பெரிய மனிதர் பெரிய மனிதர்தான். அங்குள்ள இடங்களையெல்லாம் சுற்றிப்பார்த்தார். எங்கள் இனம் ஆசீர்வதிக்கப்பட்டது என்றார். எங்கள் அன்னையார் எங்களைப் பெற்றுவிட்டதற்காக. சுமார் 7 அல்லது ஏழரை மணிக்கு வந்தார். அப்போது மின்சாரம் இல்லை. கலவரத்தில் எல்லாமே எரிந்து சாம்பலாகிவிட்டன.

n

மொழிபெயர்ப்பில் உதவி: அரவிந்தன், செல்லப்பா, ந. கவிதா

நன்றி: தெஹல்கா, 3.11.2007